Ushtria e Iran ka paralajmëruar përshkallëzim të situatës në rajon, duke kërcënuar se mund të bllokojë operacionet e transportit detar në Deti i Kuq, Gjiri Persik dhe Deti i Omanit, nëse Shtetet e Bashkuara vazhdojnë bllokadën ndaj porteve iraniane.

Deklarata u bë nga gjeneralmajori Ali Abdollahi, komandant i Shtabit Qendror “Khatam al-Anbiya”, i cili e cilësoi bllokadën amerikane si “të paligjshme” dhe paralajmëroi se vijimi i saj do të konsiderohet shkelje e marrëveshjes së armëpushimit.

Sipas tij, nëse situata nuk ndryshon, Irani “nuk do të lejojë që asnjë eksport apo import të vazhdojë” në këto ujëra strategjikë, duke rrezikuar seriozisht lëvizjen ndërkombëtare të mallrave dhe energjisë.

Edhe pse Irani nuk ka dalje direkte në Detin e Kuq, ai konsiderohet një aktor me ndikim në këtë zonë përmes aleatëve rajonalë.